بحـث
 
 

نتائج البحث
 

 


Rechercher بحث متقدم

أفضل الكلمات الدليلية الموسومة
1#حلويات
2#كويت
3#طبخات
4#بنات
5#اكلات
6#ريوقي
7#طباخي
8#طبخ
9#طباخين

خلطة الكويتيات . . . من جربها ؟

04.03.18 21:31 من طرف Admin

السلام عليكم خواتي  كويتيات منتديات كويتيات النسائية موقع منتديات كويتيات منتدى كويتيات النسائي منتديات كويتيات النسائيه.




بغيت أتنشدكم عن خلطة كويتية كان اسمها في السابق ب كريم بوسالم 


هي الحين معروفة في الكويت …



[ قراءة كاملة ]

تعاليق: 2

تغير القدر بامر الله بالقران الكريم برنامج (الفاتحة 7 مرة والبقرة 1 مرة ومريم 7 مره و الرحمن 1 مرة )للاشخاص الذين عليهم السحر متجدد يتخلص من القدر الذي فيه السحر المسلط عليه

31.03.18 10:47 من طرف ام سلمان

منقول عن الشيخه ام سلمان من الكويت...


كما ان هناك علاج (بعشبة أكليل الجبل )تغلى في الماء لمدة 10 دقايق ثم تشرب من الفجر لمدة 3 ايام  او 7 ايام حسب حالة السحر الماكول المتجدد يحترق ولا يعود للشخص منقول عن الشيخه ام سلمان ويشرب …



[ قراءة كاملة ]

تعاليق: 0

افضل طريقة تتبيلة قطع الدجاج بالثوم بطريقة خالة مديحة مطبخ كويتيات

04.03.18 22:08 من طرف شيخة ستايل

افضل طريقة تتبيلة قطع الدجاج بالثوم بطريقة خالة مديحة مطبخ كويتيات 


كويتيات منتديات كويتيات النسائية موقع منتديات كويتيات منتدى كويتيات النسائي منتديات كويتيات النسائيه.




تعاليق: 0

إعلانات تجارية

    لا يوجد حالياً أي إعلان


    قصة حب كويتيه حقيقية سميتها قــــلـــوب مغلقــــــه

    إرسال موضوع جديد   إرسال مساهمة في موضوع

    اذهب الى الأسفل

    قصة حب كويتيه حقيقية سميتها قــــلـــوب مغلقــــــه

    مُساهمة من طرف شيخة ستايل في 04.03.18 23:10

    السلام عليكم ورحمة الله وبركاته ..

    قصة حب كويتيه حقيقية سميتها  قــــلـــوب مغلقــــــه

    شلونكم بنات شخباركم ؟

    حبيت انقلكم قصــه راح تكون على اجزاء فهي شويه طويله 


    و من هالجزء راح اشوف إذا متحمسين ويااي راح انزل الاجزاء بسرعه بس إذا تحبطت و مالقيت ردود راح احذف القصه صدقوني القصه روعه 



    قد يجرحنا بيوم الألم ..او يعذبنا جبروت وقوة شخص من هذا الزمن..نبكي تاره ..وتارة اخرى نضحك ونبكي معنا ..قد تتقاذنا هذه الانفعلات والاحاسيس والمشاعر ..لكن حتماً سيأتي اليوم الذي تحتضننا ساعات طويله حالة من الأمل ..الأبتسام..السعاده..
    صفحات قد تجبرنا دموعنا ان تكون هي الحبر ويكون اللون هو السواد ..وصفحات تجبرنا ايضا دموعنا ان تكون هي الحبر ولكن بلا سواد ..فهل ياترى الحياة سواد وبياض ..الا يوجد بينهم لون رمادي الا يوجد تدرجات للوصول الى البياض ومثله ايضا هذا السواد..
    حروفنا هي مواقف من حياتنا لذلك لنكتب الامل بعد الحزن ..والفرح قبل الالم ..لنخلط بين الاضداد لنخرد بنتيجه واحده هي التوازان ..فلافرح دائم ولاحزن مستمر ..فالحياة متوازنه دائما ..
    لنجعل نظرتنا للأحزان متفائله وبدل التذمر لنقول معنا هذا ابتلاء من رب العباد فهل سنكون صابرين ..هنا السؤال ..؟؟ 
    الصبر نعمه عظيمه لنتعلم الصبر على الابتلاء حتى تعلم ونتذوق طعم السعاده الحقيقه برضى الله سبحانه وانفراج الكرب والبلاء ..
    لن أطيل لكن هي كلمات كتبتها دموع دموع السحاب لتكون لكم بدايه لنهايه هي ايضا بدايه وامتداد لعالم من العطاء ..
    اترككم مع الجزء الاول من قصة 

    ## قلوب مغلقه ##كانت سرحانه تفكر ..يدها على خدها ورجلها وكأنه تتحرك مع ثواني الساعه من التوتر ظلت مزون دقايق على هالحال وبعدها التفتت على اختها نجود 
    مزون..تتذكرين نجود لما كنت اقول لك اتمنى اعيش ببيت شعبي نفسي اعيش احساسهم وحياتهم امنيتي اعرف خلف بيوت الطين شو كان ضحكه او دمعه 
    نجود وتحاول تبتسم..لا وكنت تحلمين تعيشين حياة البدو بخيام الله يستر 
    تتنهد مزون..شوفي الدنيا كيف عشت ببيت طين بيت شعبي لكن غصب عني مو برضاي آه عليك يادنيا بسرعه حققتي امنيتي لكن خارجها بس مو داخلها والمعنى الحقيقي لها 
    نجود وتقاوم دموعها ..مزون شفيك اليوم مو عادتك 
    مزون وترفع الخصل عن وجهها ..وحشتني غرفتي المنتجع مثل ماتقولين وحشني بيتنا كل ركن فيه اشتقت له ابي ارجع اجلس بالصاله الظهر انتظر ابوي يرجع والعصر ادخل بالمطبخ عند امي وهي تعمل الشاهي لابوي والمغرب اتفرج انا وانتي عالتلفزيون بالمكتب وبالليل بمنتجعي احلم وابتسم واضحك تعبت 
    سكتت مزون وهي تمسح دموعها 
    نجود وتقاوم دموعها..الله يرحمه ويسكنه الجنه آه ومليون آه يامزون انا الي امووت وانا احس بالاهانه كل يوم اموت وانا احسب مصروفي اخاف يزيد ريال وتختل الميزانيه مزون انا اتعذب اتعذب لكن مهما تعذبت وبكيت اسكت واقول خلاص بكرا تفرج ومليت ولاجاء بكرا ...كتمت باقي الكلام نجود بعد ماحست انها ذبحت مزون بكلامها وحاولت تبتسم وقالت خلاص مزون انتي دوم قويه يالله ندخل عند امي اكيد طفشت لحالها 
    مزون وتمسح دموعها ..دقايق واجي وراءك
    دخلت نجود على امها ..

    ام مزون بصوت تعبان من جسم هده قوة الزمن وقسوة المرض ..هلا يمه وينكم
    نجود..ابد كنا ندرس بالغرفه 
    ام مزون وبتعب واضح..ضاق صدري من الجلسه بالحالي 
    مزون تدخل ويضحكه ولا كأنها الي تصيح تو..سامحينا الغاليه جبت لك احلى قهوه يالله تفضلي 
    ام مزون تبتسم..الله لايحرمني منكم 
    نجود..ولامنك يالغاليه يمه تحسين بشئ 
    ام مزون..الوجع مو جديد علي يابنتي 
    مزون..الله يشفيك يارب اقول يمه بروح بعد شوي لعمي واطلب منه فلوس 
    ام مزون..لاتروحين مابيعطيك
    نجود..خلاص مزون بكرا المكافأت بتنزل ماله داعي 
    مزون..طيب مابنخسر نجرب انا بروح انام تعبانه 
    طلعت مزون تنام وظلت نجود مع امها وهي حاسه وندمانه على كلامها الي قالته لمزون 

    المغرب صحت مزون وطلعت بهدوء وراحت لللمحل عند عمها ..ولما ماحصلتها نجود توقعت وظلت على اعصابها تنتظرها لانها تعرف عمها مابيرحمها ولابيعطيها الا الكلام الي مثل السم ..دخلت نجود لغرفتها ترتاح شوي ولا حست الا بصوت الباب وقفت عالشباك تشوف وحصلت مزون دخلت 

    وقفت وراء الباب واخذت نفس حاولت تتمالك الغضب بداخلها ..حاولت تكتم الصرخه من أعماقها ..حاولت تمنع الدمعه وتسجنها داخل عيونها ..لكن ماقدرت ومن يقدر يتحمل الذل ..الأهانه..الظلم ..العذاب 

    مزون ..حرام تعبت تعبت ياربي ارحمني يارب رحمتك 
    فتحت نجود الباب وحضنت اختها وهي تقول..مليون مره قلت لك لاتروحين له انتي عارفه انه انسان معدوم المشاعر والأحاسيس 
    مزون وهي تصيح..ماقدرت لما شفتك امس تتألمين تعانين قدامي حسيت بنار بداخلي حسيت أني انطعن مع كل حرف تنطقينه ماقدرت اتحمل شكل امي وهي تعاني بصمت 
    نجود وتمسح دموعها..مزون تعرفين اني افضفض لك بس اريح نفسي والا هالكلام ماكنت اعنيه 
    مزون..تعنيه او لا المهم انه حقيقي نجود لو الظلم ينطق كان قال بس ياناصر ظلمتني عمي تعدا حدود الظلم قولي لي كيف اتحمل واحنا الي اذا دخلنا المجلس فز كل من فيه واولهم زوجة عمك يطلبون رضانا والحين بعد وفاة ابوي رمانا ببيت قديم ولو تمر مليون سنه مابيسأل قولي لي شو اعمل وامي تموت قدام عيني وكل مااطلع ارجع بكلام يسم البدن اختار بيت وراء المحل الي ساكنه ولا مااكتفا بكذا اخذ منه غرفتين مستودعات نجود تعبت من عمي تعبت انهارت مزون وهي تصيح اما
    نجود وتحاول تبتسم..خلاص يالله ومكافأة الجامعه تكفي ان شاء الله 
    مزون وتبتسم..لولا المكأفاه والا كان حرمنا من التعليم على باله 800 تشتري دواء ام عندها ضغط وسكر وروماتيزم مااقول الا حسبي الله ونعم الوكيل 
    نجود..يالله اغسلي وجهك وتعالي 

    مر اليوم حزين على نجود ومزون الي يحاولون يخفون دموعهم عن امهم المريضه الي تحس بدموعهم قبل مايذرفونها لكن مابيدها شئ تعمله الا انها تدعي الله يفرجها عليهم ..
    الصباح كالعاده طلعت مزون ونجود بدري قبل الساعه ست ونص مع الباص متوجهين للجامعه الي تحتاج منهم وقت لبعد المسافه غير زحمة الرياض بالصبح ..

    وصلوا البنات الجامعه وكانوا يتفقون على موعد يلتقون فيه وقطع عليهم كلامهم صوت
    هلا..السلام عليكم 
    مزون ونجود..وعليكم السلام
    نجود..وينك امس ماحضرتي 
    هلا باابتسامه..خالد كان عندنا وسهرت معه وطنشت 
    مزون..خلاص انا عن اذنكم باي 
    راحت مزون وجلست هلا ونجود يفطرون 
    هلا..شفيها مزون تغيرت كثير 
    نجود..لا بس تعرفين هالمستوى عندها ضغط 
    هلا ..الله يعينها ماقلتي لي شلون خالتي
    نجود بحزن..ان شاء الله بخير 
    هلا وحبت تغير الموضوع..تخيلي من شفت 
    نجود..مين 
    هلا..اختي غاده ولو تشوفين الغرور وربي رفعت ضغطي 
    نجود بصوت واطي ..من امها وابوها المهم خلينا منهالسيره وقولي لي على شو سهرتوا امس 
    هلا..ولاشئ خالد وسوالفه طبعا ماتخلى الجلسه من مواعظ صقر لكن كانت حلوه خصوصا ان عندنا خالتي امل 
    نجود..شو اخبارها
    هلا..ماعليها مسكينه طفشانه من جلست البيت لكن الله يعينها
    نجود..يالله ماباقي شئ عالمحاضره

    بالمحاضرات 

    جواهر..مزون شفيك
    مزون..كالعاده كلمات معتبره من عمي 
    جواهر..مزون انسي عمك وعيشي حياتك
    مزون..امنيات تعرفين ان مزون ماتهمني الي يهمني نجود لو شفتيها كيف تصيح وتتكلم تكسر الخاطروامي الي تعاني قدامي وتتعذب
    جواهر..نجود مو صغيره وعارفه كل شئ وامك برحمة ربي هو الي عالم بحالها وحالكم
    مزون..المهم انا مابحظر اخر محاظره بطلع امي تعبانه 
    جواهر..طيب وديها المستشفى 
    مزون..بحاول اطلع اليوم الظهر وان شاء الله مايصير عمي موجود
    جواهر..مزون شرايك هالمره استأذني منه ويمكن يرضى
    سكتت مزون ..اوكي انا بطلع الحين مستأذنه من الدكتوره قبل ابي الحق عالباص وانتي بلغي نجود برساله طبعا على جوال هلا يالله باي
    جواهر..باي 

    ركبت مزون الباص ورجعت للبيت وكل تفكيرها عن امها الي خلاص ماعادت قادره تميز او تعرف شئ من الي يدور حولها وصلت ومرت للمحل 
    مزون..السلام عليكم عمي 
    العم ناصر بنظره حاده..وعليكم السلام شتبين
    مزون بصوت كله خوف..عمي بودي امي المستشفى 
    العم وبنظره قاسيه..ارجعي للبيت لاتخليني ارفع صوتي
    مزون وبدت تصيح..بس امي تعبانه
    العم بصوت عالي..مزون 
    طلعت مزون ورجعت البيت وخاطرها مكسور وغطاها كله مبلول بدموعها الي ماقدرت تمنعها بلحظة احساسها بالذل قدام عمها
    ظلت مزون جنب امها الي ساعه تكون طيبه ولافيها شئ وساعه ماتعرف شئ من الي يدور حولها حاولت مزون تتحمل وتسكت ..حاولت تكبت الالم داخلها وتدعي ربها بصمت..حاولت تكتم ضرحه متمرده بداخلها ماقدرت طلعت من الغرفه ودخلت على نجود بهدوء الي كانت متوقعتها نايمه لانها حست انها رجعت من فتره ولادخلت على غرفة امها لكنها انصدمت لما شافتها تصيح 


    هنا ينتهي النزف الاول والجزء الاول فإلى لقاء مع دموع اخرى واحزان قد تمسحها لحظات سعاده

    الاجزاء ستكون يوم و ترك ..

    شيخة ستايل

    المساهمات : 156
    تاريخ التسجيل : 01/01/2014

    معاينة صفحة البيانات الشخصي للعضو

    الرجوع الى أعلى الصفحة اذهب الى الأسفل

    الرجوع الى أعلى الصفحة


     
    صلاحيات هذا المنتدى:
    تستطيع الرد على المواضيع في هذا المنتدى